Καλλιτεχνικός Σύλλογος Δημοτικής Μουσικής Δόμνα Σαμίου

ΤΑ ΚΑΘΙΣΜΑΤΑ

Ήχος γ'. Την ωραιότητα.

Πόρνη προσήλθέ σοι, μύρα συν δάκρυσι, κατακενούσα σου, ποσί Φιλάνθρωπε, και δυσωδίας των κακών, λυτρούται τη κελεύσει σου· πνέων δε την χάριν σου, μαθητής ο αχάριστος, ταύτην αποβάλλεται, και βορβόρω συμφύρεται, φιλαργυρία απεμπολών σε. Δόξα Χριστέ τη ευσπλαγχνία σου.

Ήχος δ'. Ταχύ προκατάλαβε.

Ιούδας ο δόλιος, φιλαργυρίας ερών, προδούναι σε Κύριε, τον αρχηγόν της ζωής, δολίως εμελέτησεν. Όθεν και παροινήσας, τρέχει προς Ιουδαίους, λέγει τοις παρανόμοις· Τι μοι θέλετε δούναι, καγώ παραδώσω υμίν, εις το σταυρώσαι αυτόν;

Ήχος α'. Τον τάφον σου Σωτήρ.

Η Πόρνη εν κλαυθμώ, ανεβόα Οικτίρμον, εκμάσσουσα θερμώς, τους αχράντους σου πόδας, θριξί της κεφαλής αυτής, και εκ βάθους στενάζουσα· Μη απώση με, μηδέ βδελύξη Θεέ μου, αλλά δέξαι με, μετανοούσαν, και σώσον, ως μόνος φιλάνθρωπος.