Καλλιτεχνικός Σύλλογος Δημοτικής Μουσικής Δόμνα Σαμίου

Ωδή η'. Ήχος β΄. Ο Ειρμός.

Ρήμα τυράννου, επεί υπερίσχυσεν, επταπλασίως κάμινος, εξεκαύθη ποτέ· εν η Παίδες ουκ εφλέχθησαν, βασιλέως πατήσαντες δόγμα, αλλ’ εβόων· Πάντα τα έργα Κυρίου, τον Κύριον υμνείτε, και υπερυψούτε εις πάντας τους αιώνας.

Τά Τροπάρια

Στίχ. Δόξα Σοι ο Θεός ημών, δόξα Σοι.

Αποκενούσα, Γυνή μύρον έντιμον, δεσποτική και θεία, φρικτή κορυφή, Χριστέ των ιχνών σου επελάβετο, των αχράντων, κεχραμέναις παλάμαις, και εβόα· Πάντα τα έργα Κυρίου, τον Κύριον υμνείτε, και υπερυψούτε εις πάντας τους αιώνας.

Στίχ. Δόξα Σοι ο Θεός ημών, δόξα Σοι.

Δάκρυσι πλύνει, τους πόδας υπεύθυνος, αμαρτίαις του πλάσαντος, και εκμάσσει θριξί· διό των εν βίω ου διήμαρτε, πεπραγμένων της απολυτρώσεως, αλλ' εβόα· Πάντα τα έργα Κυρίου, τον Κύριον υμνείτε, και υπερυψούτε εις πάντας τους αιώνας.

Στίχ. Ευλογούμεν Πατέρα, Υιόν και Άγιον Πνεύμα, τον Κύριον.

Ιερουργείται, το λύτρον ευγνώμονι, εκ σωτηρίων σπλάγχνων τε, και δακρύων πηγής· εν η δια της εξαγορεύσεως, εκπλυθείσα ου κατησχύνετο, αλλ’ εβόα· Πάντα τα έργα Κυρίου, τον Κύριον υμνείτε, και υπερυψούτε εις πάντας τους αιώνας.

Η Καταβασία

Στίχ. Αινούμεν, ευλογούμεν, και προσκυνούμεν τον Κύριον.

Ρήμα τυράννου, επεί υπερίσχυσεν, επταπλασίως κάμινος, εξεκαύθη ποτέ· εν η Παίδες ουκ εφλέχθησαν, βασιλέως πατήσαντες δόγμα, αλλ’ εβόων· Πάντα τα έργα Κυρίου, τον Κύριον υμνείτε, και υπερυψούτε εις πάντας τους αιώνας.