Καλλιτεχνικός Σύλλογος Δημοτικής Μουσικής Δόμνα Σαμίου

Ο Διάκονος ή ο Ιερεύς: Την Θεοτόκον και Μητέρα του Φωτός
εν ύμνοις τιμώντες μεγαλύνομεν.

Ωδή θ'. Ήχος β΄. Ο Ειρμός.

Ψυχαίς καθαραίς, και αρρυπώτοις χείλεσι, δεύτε μεγαλύνωμεν την ακηλίδωτον, και υπέραγνον Μητέρα του Εμμανουήλ, δι' αυτής τω εξ αυτής, προσφέροντες πρεσβείαν τεχθέντι· Φείσαι των ψυχών ημών, Χριστέ ο Θεός, καί σώσον ημάς.

Τά τροπάρια

Στίχ. Δόξα Σοι ο Θεός ημών, δόξα Σοι.

Αγνώμων φανείς, και πονηρός ζηλότυπος, δώρον αξιόθεον λογοπραγεί, δι' ου οφειλέσιον ελύθη αμαρτημάτων, καπηλεύων ο δεινός, Ιούδας την φιλόθεον χάριν· Φείσαι των ψυχών ημών, Χριστέ ο Θεός, καί σώσον ημάς.

Στίχ. Δόξα Σοι ο Θεός ημών, δόξα Σοι.

Λέγει πορευθείς, τοις παρανόμοις άρχουσι· Τί μοι δούναι θέλετε, καγώ Χριστόν υμίν, τον ζητούμενον, τοις θέλουσι παραδώσω; οικειότητα Χριστού, Ιούδας αντωσάμενος χρυσού. Φείσαι των ψυχών ημών, Χριστέ ο Θεός, καί σώσον ημάς.

Δόξα Πατρί και Υιώ και Αγίω Πνεύματι.
Και νυν και αεί και εις τους αιώνας των αιώνων. Αμήν.

Ω πηρωτικής, φιλαργυρίας άσπονδε! λήθης όθεν έτυχες, ότι ψυχής, ουδ' ος ισοστάσιος ο Κόσμος, ως εδιδάχθης· απογνώσει γαρ σαυτόν, εβρόχισας ανάψας προδότα. Φείσαι των ψυχών ημών, Χριστέ ο Θεός, και σώσον ημάς.

Η Καταβασία

Ψυχαίς καθαραίς, και αρρυπώτοις χείλεσι, δεύτε μεγαλύνωμεν την ακηλίδωτον, και υπέραγνον Μητέρα του Εμμανουήλ, δι' αυτής τω εξ αυτής, προσφέροντες πρεσβείαν τεχθέντι· Φείσαι των ψυχών ημών, Χριστέ ο Θεός, και σώσον ημάς.