Καλλιτεχνικός Σύλλογος Δημοτικής Μουσικής Δόμνα Σαμίου

Aκρίτας όνταν έλαμνεν¹ αφκά σην ποταμέαν,
επέγνεν κι έρτουν κι έλαμνεν την μέραν πέντ’ αυλάκια,
επέγνεν κι έρτουν κι έσπερνεν εννέα κότια² σπόρον.
Και ν-έρθεν πουλίν κι εκόνεψεν ση ζυγονί'³ την άκραν,
και σκούται καλοκάθεται ση ζυγονί’ την μέσην.
– Οπίσ’ πουλίν, οπίσ’ πουλίν, μη τρως την βουκεντρέαν.⁴
Και το πουλίν ελάλεσεν ανθρώπινον λαλέαν.
– Ντό στέκ’ς, ντό στέκ’ς Aκρίτα μου και τίναν αναμένεις;
Tο ένοικό σ’⁵ εχάλασαν και την καλή σ’ επέραν
και τα μικρά τα πούλοπα σ’⁶ σο περιβόλ’ εσύραν.
Βιτσοκοπά τον μαύρον ατ’ και φτάν’ και κοντεφτάνει.
– Ανοίξετέ με, νε πορτάρ’,⁷ ανοίξτε να σεμπαίνω.
Ενοίξαν ατον οι πορτάρ’, εμπαίν’ απές Ακρίτας.
Άλλοι σκαμνία δίγν’ ατον, άλλοι καυκία⁸ απλών’νε⁹
και σο σκαμνίν ’κί κάθεται και το καυκίν ’κί παίρει.
Έσυρεν το σπαθίν ατου ας σο χρυσόν θηκάρι,
χίλιους εμπρός εσκότωσεν και μύριους από πίσω
κι επέρεν την κόρ’ κι έφυγεν εννιά νύχτας κι ημέρας.

¹έλαμνεν: όργωνε
²κότια: μονάδα μέτρησης για δημητριακά
³ζυγονί': του ζυγού
⁴βουκεντρέα: βουκέντρα είναι ραβδί με αιχμηρή απόληξη με το οποίο κεντρίζουν τα βόδια του αρότρου
⁵ένοικο: το σπίτι, τον οίκο σου
⁶τα πουλόπα σ': τα μωρά σου. Παρατονισμένο για λόγους μέτρου
⁷πορτάρ': οι φύλακες της πύλης
⁸καυκία: κούπες για κέρασμα
⁹υπονοείται -γιατί παραλείπονται στίχοι- ότι φτάνει στο γάμο της γυναίκας του και προλαβαίνει να τον αποτρέψει